الإهداءات


العودة   منتدى الود السعودي > .:: المنتديات الأجتماعية والأسرية ::. > المطبخ والماكولات الجديدة
المطبخ والماكولات الجديدة المطبخ الشرقي,اكلات شعبيه’المطبخ الغربي,المطبخ السعودي,المطبخ المصري,المطبخ الخليجي,اكلات شرقيه,احلي وصفات طبخ




أكلات مكاوية قديمة

مرحبمبكم يا حبايبي اليوم هرجتنا غير تحكي لنا اصاله وتاريخ المكاويه عن عادات وآكلات وتقاليد مر عليها سنين والى الان الحمد لله جيل ورا جيل متمسك فيها وموضوعنا اليوم

 
#1  
قديم 08-18-2009, 02:37 PM
ابن الحجاز
ابن الحجاز غير متواجد حالياً
لوني المفضل Cadetblue
 رقم العضوية : 45388
 تاريخ التسجيل : Aug 2009
 المشاركات : 500 [ + ]
 التقييم : 10
 معدل التقييم : ابن الحجاز is on a distinguished road
بيانات اضافيه [ + ]
افتراضي أكلات مكاوية قديمة




مرحبمبكم يا حبايبي اليوم هرجتنا غير تحكي لنا اصاله وتاريخ المكاويه
عن عادات وآكلات وتقاليد مر عليها سنين
والى الان الحمد لله جيل ورا جيل متمسك فيها
وموضوعنا اليوم عن
الأكلات المكاوية
·الأكلات المكاوية لها طعم ونكهة ونشأة
واللي يحلي الأكلات ويطعمها زيادة إنو لكل أكلة مناسبة تتعلق بيها
وما ناكلها إلا في المناسبة حقتها

نحنا كدة المكاكوه وبالزات القدام مننا لنا تصانيف وتباتيك
في الاكل والشرب مايعلم بيها الا الله عز وجل
ماشية معانا من أيام ما فنو الأوادم



طيب يا سيدي انت وهو وياستي انتي وهي والكلام للجميع

الأكلات المكاوية ترتبط بعادات ومناسبات يعني كل اكلة ولها مناسبة زي أيش ؟؟؟

هيا خدو عندكم ....

الرز بحمص و السقط و المعرق أو المختوم و الششني
هادي الأكلات خاصة بالعزا وزيادة في التوضيح
اليوم الأول والتاني والتالت يطبخو الرز البحمص واليوم التالت
·اللي يسموه قطع العزا يسوو الششني والمعرق والمختوم والسقط

الكابلي أو الزربيان و السمبوسك والطورمبة
هادي يسووها وقت المناسبات والأفراح للرجال
أما الحريم يجيبولهم الميز طبعا زمان أول مافي لا ميز ولا يحزنون
ياكلو من نفس أكل الرجال بس يسوو قليل بريك
او بف بالجبنة والا باللحمة شغل بيتي يعني واللي تعرف تسوي
كيك بالبرتكان او الموز تسوي صينية علشان يحلو بيها
بعدين جانا الميز والشغلات الجديدة هادي


المعدوس ( الرز عدس ) هادا يسووه المكاكوة يوم الغيم والمطر
ومعاه روبيان مكشن بالقوطة والبصل والفلفل الأخضر أو سمك ناشف وإذا مافي يسوو (وزف) وزلطة حمر ومخلل ليمون
وكيف لو كنا ساكنين في بلاد الخواجات على كدة
كل يوم معدوس ألين البطن تسير زي الطبلة

الملوخية الخضرا هادي تتعمل في اليوم الأول من السنة الهجرية الجديدة
على الغدا من باب التفاؤل إنو ربنا يجعلها سنة خضرا وخير للجميع

الحليب أبو الهيل هادا برضو كمانه ينشرب في صبحية
أول يوم في السنة الهجرية الجديدة

السليق هادا يسووه في المناسبات لمن يكون الجو باااااااااااااااااارد

الدبيازة معروفة على ما أعتقد للجميع يسووها للفطور أول يوم عيد رمضان

المعمول و الغريبة يسووها في أيام الحج

السمك مايتاكل إلا في الشعبنة علشان في رمضان
الناس ماتاكل السمك ـ يقولوا إنو يعطش ـ بس هيا كدة عادة
الشعبنة يعني اضرب سمك وصيادية

عشرة عاشورا ( 10 محرم ) العاشورية طبعا ورز زربيان
و زلطة لبن أبو الفلفل

السحلب يسووه في الأيام الباردة علشان يلم العضم ويدفي
الجتة بالزات لو فيلو شوية جنزبيل

القهوة الحلوة اللي هيا حليب ويحطولها لوز بجلي مهروش طبعا هادي
مافيها بن ما ادري ليش سموها قهوة ويسووها وقت البزورة ما ينجحو ولو البيت فيلو خمسة بزورة ناجحين وتلاتة صاقطين رايحين يلغو القهوة الملوزة
وكمان يسووها لما البزرة تكمل عمرها سنة يعني زي مايقولوا دحين عيدميلاد

وغير أكلات رمضان الخشاف و الألماسية و المكارنة باللبن إزا تعرفوها و القطايف
هادي ياكلوها من السنة للسنة
وأهم شي في صفرة رمضان الشوربة و السمبوسك و السوبيا

المجلب ( مجموعة أعشاب مخلوطة من العطارين ) زماااااان
ويمكن دحين مافي حرمة تحبل و تنفس إلا يصنجوها مغراف مجلب علشان
يكرت وصخ البطن والولادة وينضفها

الزلابية و اللقيمات ( اللنقطة ) أول ما ينقال اسمها نتزكر العيد والفطور حق العيد


السلالي و المقلقل و اللحم نفتكر على طول عيد الحج يندبح الطلي
ومايبقى شي منو تبارك الرحمن
كل شي يتاكل فيه الكبده والكرشة والكلاوي يسووا بيه السقط والرجول يسوو بيها مقادم
والليه يسوو بيها سلالي
والمفاصل نلعب بيها كبوش
والفروه يفرشوها على عتبة البيت زي الدعاسات دحين
حتى الديل مايسيبوه يشوحوا بيه البزورة زي البواكير
ههههههههههههه

زي ماشفتو الأكلات اللي قلنا عليها لها مناسبة أو أوقات معينة تتاكل فيها
مع انو يمدينا ناكلها طووووووووووول السنة مو مشكلة ويمكن كتير ناس هجروا
وفلتو تباتيك زمااان الا مارحم الله بس هيا زي ماتقولوا شغلة تعود



H;ghj l;h,dm r]dlm





رد مع اقتباس
 
مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:12 PM

Powered by vBulletin® Copyright ©2000 - 2014, Jelsoft Enterprises Ltd. فلسفة مشاعر
HêĽм √ 3.1 BY: ! ωαнαм ! © 2010
منتديات الود السعودي
vEhdaa 1.1 by NLP ©2009